Сакларнинг манзили Буюк ипак йўлидаги асосий савдо нуқталаридан бири. Саклар бамисоли кўм-кўк сувда ҳосил бўлган мавжлардек, бутун яйловга ёйилган эди. Тепалик устида ўзлари каби унниқиб кетган кийим кийган оқсоқоллар туришарди.
Уларни кузатаётган меҳмонлар орасида дўст мамлакат Сўғддан  келган савдогарлар ҳам бор эди. Бу савдогарлар орасида улар каби этаги бурма чакмон ва тор шим кийган, бироқ хатти-ҳаракати ва талаффузига кўра бу ерлик бўлмаган киши, олис эллардан келган ёт, ғалати савдогар ҳам юрарди. Унинг саклар юртига биринчи бор келиши эди. Юнон тубжой аҳолини диққат билан, ватанида тўзғитиб юборилган машраблар йиғинини кузатгандай, кузатарди.
Сакларнинг кўпчилиги бўйчан, қорамағиз, боши узун, бодомқовоқ, бурни йўғон ва думалоқ, ияги кенг кишилар. Улар мадларга, форс эркакларига ўхшашади.