Чарльз Джон Хаффем Диккенс – ҳаётлиги пайтида ҳам жуда машҳур бўлган инглиз адиби жаҳон мумтоз адабиётининг ёрқин намояндаларидан биридир. Унинг “Оливер Твистнинг саргузаштлари”, “Икки шаҳар ҳақида қисса”, “Эдвин Друднинг сири”, “Оғир йиллар”, “Англия тарихи: болалар учун” каби ўнлаб асарлари жаҳон адабиётининг асл дурдоналари ҳисобланади.

XIX асрнинг энг йирик прозанависи Чарльз Диккенс ўз илк ижодини репортёрликдан бошлаган бўлиб, у детектив жанрдаги ҳикояларини газеталарда эълон қилишдан бошлаган. Адибинг жиноят-қидирув полицияси фаолияти билан боғлиқ бўлган қисқа ҳикоялари тез орада уни истъедодли ёзувчи даражасига кўтара олди.

Сизнинг эътиборингизга ҳавола этилаётган икки ҳикоя адибнинг репортерлик даврида ёзган илк асарлари қаторидан ўрин олган.