Редярд Киплингнинг эътиборингизга ҳавола этилаётган “Соҳиби каромат” номли тарихий-психологик қиссаси 1895 йили яратилган бўлиб, адиб унда Ҳиндистоннинг кўплаб афсона ва ривоятларида авлиё сифатида эътироф этилган ва эъзозланган тарихий шахс – браҳман Сэр Пуран Бхагатнинг ҳаёт йўли орқали инсон умрининг туб моҳияти, асл мазмуни нимадан иборат деган азалий саволга ўзининг фалсафий жавобини беради.

Муаллифнинг одамзот бу ёруғ оламда доим бир-бирига суяниб яшаши лозимлиги ва ўзидан фақат ва фақат эзгуликлар қолдиришга интилиши ҳақидаги хулосасига сиз, азиз китобхонлар, ҳам қиссани мутолаа қилиш асносида иқрор бўласиз, деган умиддамиз.