Одам боласи борки қисмат олдида ожизу нотавондир. Инсоният тарихига назар ташлар эканмиз, унинг бағрида тақдири азалнинг ғайриоддий тасодифларига, талх қисмат синовларига дуч келган буюк шахслар ниҳоятда кўп бўлганига ва қанчадан-қанча шоҳу саркардалар бу фоний дунёга келиб, давру даврон суриб, алал оқибатда беному нишон кетганига яна бир карра гувоҳ бўламиз.